ကမ္ဘာကျော် MMA တိုက်ခိုက်ရေးသမား Conor McGregor ကို စမတ်ဖုန်း လုယူဖျက်ဆီးမှုဖြင့် ဖမ်းဆီး

ကမ္ဘာကျော် MMA တိုက်ခိုက်ရေးသမား ကော်နာကို ဖလော်ရီဒါတောင်ပိုင်းမှာ ဖုန်းလုယက်ဖျက်ဆီးခြင်းဆိုတဲ့ ခေါင်း စဉ်နဲ့ ရဲများက ဖမ်းဆီးထိန်းသိမ်းလိုက်ပါတယ်။ ၎င်းအား ဓာတ်ပုံရိုက်ဖို့ ကြိုးစားနေတဲ့ အသက် ၂၂ အရွယ် အမျိုးသား ဆီမှ ဖုန်းကို လုယူခဲ့ပြီး အဆိုပါ ဖုန်းကို ပစ်ချခြင်း၊ ရိုက်ခွဲခြင်း အကြိမ်ကြိမ်ပြုလုပ်ခဲ့တာကြောင့် လုယက်ဖျက်ဆီးခြင်း ဥပဒေနဲ့ ရဲများ က ဖမ်းဆီးထိန်းသိမ်းခဲ့တာ ဖြစ်ပါတယ်။

စုံစမ်းစစ်ဆေးသူများရဲ့ ပြောပြချက်အရ ကော်နာဟာ စမတ်ဖုန်းကို လုယူခဲ့ပြီး အကြိမ်ကြမ်ပစ်ချခြင်း၊ ရိုက်ခွဲခြင်းများ ပြုလုပ် ခဲ့ကာ အခင်းဖြစ်ရာ နေရာကနေ ထွက်သွားခဲ့တာ ဖြစ်ပါတယ်လို့ သိရပါတယ်။ ကော်နာဟာ အဆိုပါ အမှုအတွက် အာမခံကြေး ဒေါ်လာ ၁၂၅၀၀ ပေးဆောင်ရမှာ ဖြစ်ပြီး အချုပ်ထောင်ထဲမရောက်စေဖို့အတွက် ကော်နာရဲ့ ရှေ့နေများဟာ ကြိုးပမ်းပေးလျက် ရှိကြောင်း သိရှိရသည်။

ကော်နာဟာ အိုင်ယာလန်နိုင်ငံသားဖြစ်ပြီး UFC Featherweight နဲ့ Lightweight အတန်းတွေမှာ ချန်ပီယံတစ်ဦး လည်း ဖြစ်ပါတယ်။ မကြာခဏဆို ပြဿနာတက်လေ့ရှိပြီး UFC ပွဲတွေမှာ ယှဉ်ပြိုင်ထိုးသတ်ခွင့် ၆ လ အပိတ် ခံထား ရသူ တစ်ဦးလည်း ဖြစ်ပါတယ်။

Leave a comment

Your email address will not be published. Required fields are marked *