အဆိုတော် Eddie Money က အစာပြွန်ကင်ဆာ အဆင့် (၄) ခံစားနေရကြောင်း ထုတ်ဖော်ပြောကြား

အသက် (၇၀) ရှိပြီး Eddie Money လို့လူသိများတဲ့ အမေရိကန်ရဲ့ နာမည်ကြီးအဆိုတော် Edward Mahoney ဟာ အစာပြွန်ကင်ဆာ အဆင့်(၄)ကို ခံစားနေရကြောင်း ဩဂုတ်လ (၂၄)ရက် စနေနေ့မှာ AXS TV က ပြုလုပ်ခဲ့သော Real Money အစီအစဉ်တွင် သူကိုယ်တိုင်ထုတ်ဖော်ပြောကြားခဲ့ပါတယ်။ Eddie Money ဟာ ကျန်းမာရေး အလွန်ချို့တဲ့သူ တစ်ဦးဖြစ်ပြီး နှလုံးအဆို႔ရှင်ခွဲစိတ်ခြင်းနှင့် အဆုတ်နာရောဂါကို ယခုနှစ်အစောပိုင်းမှာ ခံစားခဲ့ရသဖြင့် နွေရာသီ ခရီး စဉ်ကိုပါ ဖျက်ခဲ့ရတယ်လို့လည်းသိရပါတယ်။

Eddie Money မှာရှိနေတဲ့ ကင်ဆာဟာ အသဲနဲ့ lymph nodes တွေကို ပျံ့နှံ့နေပြီးဖြစ်တဲ့အတွက် အဆင့် (၄) အဖြစ် သတ်မှတ်ခြင်းခံထားရတာဖြစ်ပါတယ်။ Eddie Money ဟာ ၁၉၇၀ခုနှစ်နဲ့ ၁၉၈၀ခုနှစ်များတွင် အလွန် ကို ကျော်ကြားခဲ့တဲ့ တေးရေး၊ တေးဆိုအပြင် တူရိယာအတော်များများကိုပါ တီးနိုင်တဲ့ အဆိုတော်တစ်ဦးဖြစ်ပါတယ်။ သူ့ရဲ့ ကျော်ကြားတဲ့ သီချင်းတွေကတော့ “Baby Hold On” , “Two Tickets to Paradise”, “Maybe I’m a Fool”, “Think I’m in Love”, “Shakin'”, “Take Me Home Tonight”, “I Wanna Go Back”, “Walk on Water”, “The Love in Your Eyes” နှင့် “Peace in Our Time” တို့ပဲဖြစ်ပါတယ်။ ဒီလိုတန်ဖိုးရှိတဲ့ အဆိုတော် တစ်ယောက်အခုလို ရောဂါမျိုးခံစားနေရတယ်ဆိုတာကတော့ အနုပညာလောကအတွက် စိတ်မကောင်းစရာ ဖြစ်ရပ် တစ် ခု ပဲဖြစ်ပါတယ်။

Source : FOX News

Leave a comment

Your email address will not be published. Required fields are marked *