Apple သည်နောက်ထွက်လာမည့် Macbook သုံးခုတွင်ကိုယ်ပိုင် Chips များထည့်သွင်းလာမည်ဟုဆို

Apple ကုမ္ပဏီသည် ဒီနှစ်အကုန်တွင် ထုတ်မည့်Macbook သုံးခုတွင်ကိုယ်ပိုင် Chips များထည့်သွင်းမည်ဟု သတင်းမီဒီယာများအားပြောဆိုခဲ့ပါတယ်။ ၂၀၁၆ တွင်ထွက်ရှိခဲ့တဲ့ Macbook Pro with Touch Bar တွင်ကိုယ်ပိုင်Chips သုံးပြီးလမ်းကြောင်းစခဲ့ခြင်းဖြစ်ပါတယ်။ လွန်ခဲ့သောလက iMac Pro ပစ္စည်းသစ်ကို မိတ်ဆက်ခဲ့ရာတွင် အသံပိုင်း၊ ကင်မရာနှင့် ပတ်သတ်သည့်လုပ်ဆောင်ချက်များကို ထိန်းညှိရန်ကိုယ်ပိုင် Chips များထည့်သွင်းခဲ့ပါတယ်။

ယခုသုံးနေသော Apple ကွန်ပျူတာများတွင် Intel chips ကိုထည့်သွင်းထားသော်လည်း အနာဂတ်တွင်ပြောင်းလဲဆန်းသစ်လာမည့် ကွန်ပျူတာများတွင် Apple မှကိုယ်ပိုင်chips processor များဖြင့်ထုတ်လုပ်လာမှာဖြစ်ပါတယ်။ iPhone နှင့် iPad များတွင် Apple မှအခြားပြိုင်ဘက်များထက် စွမ်းဆောင်ရည်ကောင်းအောင် ကိုယ်ပိုင်processor များထည့်သွင်းထားပြုလုပ်ထားပါတယ်။ သို့သော်လည်း Apple ကွန်ပျူတာ Macbook များတွင်ထည့်သွင်းတပ်ဆင်ထားသော Intel chips များကို ချက်ချင်းပြောင်းလဲရန် အသင့်မဖြစ်သေးပေ။ လာမည့်အနာဂတ်တွင် Apple ကွန်ပျူတာများမှာ Apple မှကိုယ်တိုင် chips များဖြင့် ထုတ်လုပ်လာတော့မယ်ဆိုတာ အသေအခြာပါပဲ။

Leave a comment

Your email address will not be published.